WP_GILL (454)

Kiskinohamakanak e mawotcihitotcik neta weckatc ka ki ici pitaketcik uqac

Aniki kiskinohamakanak ka mawotcihitotcik neta weckatc ka ki ici pitaketcik ka nehirowisitcik(AAÉA) kirika l’UQAC ka oripihakaniwitcik. Aniki ka ki icatcik neta campus de chicoutimi ka icinikatek kirika aniki papitoc otenak ka acterik ke ici kiskinohamasotcik peikon neta e ici tapitik chicoutimi kitci kiskinohamatowikamikok. Esko aci apitc 25 tato pipon ki matcatakaniwok CPNN ekoni ni apitc 1991.

Awin otci?

Aniki weckatc ka ki kiskinohamasotcik neta kitci kiskinohamatowikamok kirika aniki campus ka icinikateki esko 25 tato pipon.

E itasinaterik ke ititosketc:

  • Kitci witcihikotcik kitci kiskinohamasotcik ite e wi ici kictapatcitatcik kaskina nehirowisiwok
  • Awocamec kitci tatcik nehirowisiwok e kiskinohamasotcik
  • Awocamec kitci takotatc ke ki ici kiskinohamowatc nehirowisi kiskinohamakana.

Ka wi ici takocinitc:

  • Kitci rikihatc irikik ka taritci ka kiskinohamasoritci kirika mocak kitci iti minawatcitatc
  • Kitci witcihatc kitci kackihoritci neta kitci naherimoritci UQAC
  • Kitci kackihoratc witcihitowinik kitci ici mitameritci
  • Awocamec kitci aitatcik kiskinohamakanak neta pitakamik

Kitci kicteritak ka wi ici takocinitc kirika mekwatc weritaw awocamec kitci nahiparinik opamikicikopitcikan aniki otci AAÉA kirika kitci iti wectatc masinactetcitcikaniw e nokohatc weckatc ka ki kiskinohamasoritci neta.

Wetci niheriw wi totak awocamec kitci sokictatc witcihitowiniw acitc tapwerimitisowiniw aniki otci ka ocki pitaketcik kirika aniki weckatc ka ki pitaketcik neta e kiskinohamasotcik. Aniheriw kirika wi actawok kitci tatcik ke witcihiwetcik. Aniki tca ke witcihiwetcik kata witcewewok aniheriw mekwatc ka kiskinohamasoritci kitci wawitamowatcik tan ke ki ici pimoteritci e kiskinohamasoritci.

Mitcen kotakahi ka oatmirotakaniwoki. Ekoci nanakatcitak awocamec wi kiskeritamekwe!

Ka ki ici arimotcikatek ni apitc 18 otehimin pisimw.

 

Partagez ...Share on Facebook0Tweet about this on Twitter0Email this to someone