E wapatariwewaniwok natokohowewinik e ici otamironaniwok

E WAPATARIWEWANIWOK NATOKOHOWEWINIK E ICI OTAMIRONANIWOK

Aniki e ki micta witcihiwetcik Santé Canada micta kicteritakon, le Centre des Premières Nations Nikanite ki itew ni apitc 2008 nac 2014, niheriw Camps Carrières Santé kitci takotaritci kiskinohamakanak otci aniki ka emitikociwi kiskinohamasoritci oheriw kitci ici weritaritci kaskina nihe e ici tapitik natokohowewinik e ici kiskinohamasonaniwok.

Nihe tca kitciwe ka ici kiskinohamakaniwok awocamec kitci ici wapatamasotc kiskinohamakan warowik kaie wir kitci ici wapatamasotc e kiskinohamasotc nte natokohowewinik. Kitci kiskeritak kaie matci kaie wir nehirowisiw neta ici kiskinohamaso. Ekote tca ka ici weritakaniwok kitci micta saperitak neta e ici werihakaniwitc naha kiskinohamakan kitci miskak neta ke otci saperitak. Ki takoniw neta kirika e kiskinohamowakaniwitc miro mihitisowinik kiwiak itekera kirika e miro acimitisonaniwok kirika e kictapatak opImatisiwininak.

E icinakok nihe e markananiwok, pa kiwotewok pa aicawok nte e icikokwetcitakaniwonik kekwariw natokohowewinik. Nakickowewok ka nahi kiskeritamiritci kekotc ka ki miskakik kitci kekwariw awenak natokohowewinik itekera neta ka ici otamirotcik UQAC. Ka ki icinakotakaniwonik kirika metowehakaniwok e wapatarakaniwitcik e kictapatak kirika e metowaniwok. Enko kaie aniki ka ki taciketcik ka nahi kiskeritakik metowewinik acitc miro mihitisowinik.

Kitci papitoc aicinakotatcik ke aitokik kitci saperitamiritci kiskinohamakana mocak ki nanakatcitawok ka ki miroparinik kaie kekwariw ke meckotcitacik awocamec kitci saperitcikaterik ekoni ka totakik tatwaw pipon.

Esko 1995, wiec aci 5000 ki taciwok kiskinohamakanak e nehirowisitcik nte ka ici pitaketcik secondaire e ki pe icatcik Camps d’été aniki ka ki weritatcik Centre des Premières Nations Nikanite.

Kecpin wi kanawapatamekwe masinasowin 2010-2015 ka ki kanaweritcikatek ote ici nta kanawapatamok.

Partagez ...Share on Facebook0Tweet about this on Twitter0Email this to someone