WP_GILL (39)

E uauitakan

Centre des Premières Nations Nikanite (traduction innue)

Ne Centre des Premières Nations Nikanite (CPNN) ute Université du Québec à Chicoutiimi nana pipun 1991 tshimitakanipan. Eshinakuanit utatusseun eukuannu tshetshi tshishkutamuakaniti mishta katshishkutamatsheutshuapit Innua ute ka taniti Uepishtikueiau-assit.

Anite ka ushtikuanut ne Centre des Premières Nations Nikanite utatusseun eshinakuanit tshitapatam(u) shuniatat mak tshishkutamatuna. Shash mitshet pipuna espish tshi mashatueuepanitapan tshetshi uitshikushiti ashit Premières Nations anitshenat UQAC ka naushinitau tshetshi itashuatau ukatshishkutamuanishimuaua.

Eshinakuanit tshetshi tutaki

Eshinakuanit tshetshi tutaki Centre des Premières Nations Nikanite neu tshekuanu tshika nasham(u):

    • Tshetshi mishta tshishkutamuakanitau kassinu Innuat ute Uepishtikueiau-assit;
    • Tshetshi tshimatati tshishkutamatuna eshi-pakushinitaminiti;
    • Tshetshi tutaki nanitu-tshissenitamunu anite eshi-inniuniti mak tshetshi mashitueuepanitati;
    • Tshetshi minuaniti tshe patshitinak kie ma minuapashtakanit anite tshishkutamatun;
    • Tshetshi uauitak tan eshinakuat innu-aitun anite Premières Nations Mishta katshishkutamatsheutshuapit.

Ne Centre des Premières Nations Nikanite eukuate anite e natshishkuakaniht, uiatshiakaniht mak eukuate ui nanitu-tshissenitat tshekuanu, eukuate anite CPNN tshe mashkat ua ishi-tshissenitat kie eukuate tshe uitshiakaniht tshetshi minu-shaputuepaniht e tshishkutamuakaniht.

Neni shuk tshe ui tutakaniti

Ukupanieshima Centre des Premières Nations Nikanite shuk ua tutat:

    • tshetshi unuipanitat tshishkutamatuna eshi-pakushenitakan;
    • tshetshi patshitiniki tan eshi-tshishkutamatshenan-eshi-tshishkutamatishunan;
    • tshetshi tshamatati atusseunu e nanitu-tshissenitakan mak tshetshi unuipanitat tshishtakaniti;
    • tshetshi uauitshiati neni sciences de l’éducation ka ishi-tshishkutamuakaniti ishinakuaniti tshetshi tshishkutamatishuniti pitama eshi-atussenan;
    • tshetshi uauitshiati katshishkutamuakanishiniti Premières Nations ka ui uitshikushinit anite tshishkutamatun;

Eshpish tshi tshamatakan ne Centre des Premières Nations Nikanite nanitam nukutapan eshpitenimat nenua Premières Nations anite e uauitshiat tshetshi minu-papinitau anite ka ishi-pakushenitaminiti nenua ka itashaukut tshetshi tshishkutamuakaniht.

KA UAUITSHIAUSHINAN TSHISHKUTAMATUNA

Nishuau peiku-pipuna ne Centre des Premières Nations Nikanite (CPNN) natapuat mitishuakan ashit ka uauitshiaushinat anite tshishkutamatuna, nikanapun ka tipenitak ne CPNN, mak teuat anitshenat ka tshitapatakau tshishkutamatunu anite innu-assia Premières Nations utinnimuaua anite ka tshishkutamuakaniti UQAC, miam katshishkutamatsheshiht, innu-katshishkutamuakanishiht mak anitshenat ka uauitshiaushiht anite Conseil en éducation des Premières Nations, l’Institut Tshakapesh mak Conseil attikamek. Uishamakanuat nanishti-pishimua e takuatshiniti mak e pipuniti tshetshi nanitu-tshissenitakan mak tshetshi tutakan atusseun anite tshishkutamatun. Anitshenat uet natapishtatat ishinakuan usham nanitam tshetshi takuat tshekuan tshe ishi-uauitshiaushinanut anite uinuau ka ui minu-apashtatau  anite innu-assit.

Ui tshissenimek(u) auenitshenat anite ka tatau, ute tshissinimik.

Partagez ...Share on Facebook0Tweet about this on Twitter0Email this to someone