Natokohowewinik apicic e kiskinohamakaniwok

Ohwe apacic ka wi kiskinohamakaniwok natokohowewinik aniki otci secondaire 4-5 ka ici pitaketcik. Miro pe icakw!

Nte ici nta kanawapatamokw 2016 ka ki tipatcimonaniwok tipatcimo masinahikanik!

2017 masinahikan

Pour vous inscrire, téléchargez le formulaire électroniqueLa date limite est le 12 mai.

PAPfeuil_MiniEcoleMedecineA16

E atisokatek memantcic natokohowewinik apicic kiskinohamakewin

Ite ka ki ici kitciparik NATOKOHOWEWINIK APICIC KISKINOHAMAKEWIN nte ki otci kitciparin Centre des Premières Nations Nikanite kirika aniki e ki witcihiwetcik le Programme de formation médicale de Saguenay.

Esko 1995, le Centre des Premières Nations Nikanite (CPNN) de l’Université du Québec à Chicoutimi (UQAC) ocitawok mawotcihitowiniw e acotcictatcik papitoc kiskinohamakewiniw aniki otci ka ocki pimatisitcik kitci kiskeritakik tan e icinakok nihe e ici kiskinohamasonaniwok kirika kitci saperitakik kwecan nte wi ici matcawate e kiskinohamasotcik. Ki tca iti acotcictakaniwon natokohowewinik kitci takok kirika.

Ki kiskeritenano e micta notepariwok kitci tatcik natokohowewinik kitci ici kiskinohamasotcik  eckam tca kaie kirowe iti noteparin kitci tatcik neta e ici kiskinohamasotcik kaskina wiec ma terak nehirowisiskak.Itwaniwon mia kitci tipiparik mackiki iriniw 1 mackiki iriniw irikik 500 e tacinaniwok arimatc kitci tipiparik kaskina awik kitci taritci ke omackiki irinimitc.Patam tca 10,000 kata tapanak mackiki irinikanak kirika 2,500 mackiki iriniwok e nehirowisitcik irikik e ici tipahikaniwok e taciikw kaskina. Wiec tca tepirak 1,800 e tacitcik e ici akimakaniwitcik ka mackiki irikaniwitcik taciwok. Wiec tca tepirak 250 mackiki iriniwok taciwok. Peikon kaie kotakahik nte natokohowewinik ka ki ici kiskinohamasotcik nama tipi tawok mitowi ka manapitepiciwetc, ockicikonan ka nahi kiskeritak, oskekekaniw ka nahi kiskeritak, ka witcihatc awiriwa kitci mihitisoritci, ka nahi kiskeritak e ici aitacimitisonaniwonik miro mitcimiriw, ka capowapitciketc, ka witcihiwetc kitci miro mitatc awik owipit, kotak kekociriw…

Kitci tca kotci witcitatc awocamec nte kitci ici wikotcitamasonaniwok naha tca le Centre des Premières Nations Nikanite, kirika aniki ka witcihiwetcik ka ki oreritakik ni apitc 2008, niheriw kitci takotatcik e nipinik. Aniki tca;  Camps Carrières Santé. En 2016, ekota ka otciparik nihe MINI-ÉCOLE DE MÉDECINE.

Eko tca, MINI-ÉCOLE DE MÉDECINE, ki wicamew 25 ka ocki pimatisiritci 4-5 ka ici pitakeritci secondaire nte papitoc e ototeritci nehirowisi otenak kitci pe nta nanto kiskeritakik natokohowewenik e icinakonik e ici kiskinohamasonaniwonik. Nte e ki ici mamitoneritakik kitci moctenakik nte kitci ici kiskinohamasoritci kiskinohamakan. Kirika aric kitci witamowatcik kekwariw ke tatakik kecpin nte wi ici kiskinohamasowate kekwariw ke ici kiskinohamasoritci kitci ki katcitapiritci neta e ici kiskinohamasonaniwok.  Nihe tca MINI-ÉCOLE DE MÉDECINE wikosimew tca nehirowisi kiskinohamakana nte kitci kiskinohamasoritci acitc tca witcihew e wi werihitisoritci kecpin nte e wi ici matcaritci.

Esko tca nihe ki takok 2008, nihe tca les Camps Carrières Santé ki nakickowewok ka ocki pimatisiritci kiskinohamakana e nehirowisiwiritci, aniki kirowe innus, atikamekw acitc anishinabewok. Kirika tca wiec 15 ki taciwok aniki ka nahi kiskeritakik natokohowewinik e ki witcihiwetcik acitc e ki wawitamowatcik kiskinohamakana tan ke ki ici matcaritci. Nama ki otci kicikwakaniwok niheriw e pe icatcik. Naha tca micta mikwetc itakaniwiw Dr. Stanley Vollant ka mackiki iriniwitc nehirowisiw e ki nikaniwitc nihe nictam ka totcikatek Camps Carrières Santé  nehirowisi kiskinohamakanak otci.

Ka ki ici masinatcikaniwok e kanaweritcikatek.

 

Partagez ...Share on Facebook0Tweet about this on Twitter0Email this to someone