WP_GILL (39)

Nihe otci

Centre des Premières Nations Nikanite

Nihe Centre des Premières Nations Nikanite (CPNN)  ki tcimotakaniwon  esko 1991. Aniki otci ka kiskinohamasotcik  Kitci kiskinohamatowikamikok l’Université du Québec à Chicoutimi (UQAC)ka icinikatek,  kaskina nehirowisiwok  ote Kepek ka taciketcik.

Anaha tca ka nikanipictak niheriw Centre des Premières Nations Nikanite  kaskina mitaw niheriw coriak kaie e itasinatek ke ici kiskinohamakaniwok. Aci mitceto pipon witci otamiromew  nehirowisiwa kiskinohamakewinik ka ici mitaritci acitc anihi  ote ka ki orapitamiritci UQAC kitci kiskinohamasoritci.

Ke otamirotatc

Newek tatiniw kitciwe ke otamirotatc Centre des Premières Nations Nikanite ;

  • Kitci kiskinohamasowin aniki otci kaskina nehirowisiwok ote Kepek askik;
  • Kata orisinahikatewa masinahikana tan ke ici nataweritakik ke ici kiskinohamowakaniwitcik;
  • Onehirowisiwiniwak kirika tan e wi ici kiskinohamasotcik kata ici otamirotakaniwoniw acitc kitci tipatcitcikatek ;
  • Kekwariw ke ici kictapatcitatcik e kiskinohamasotcik kekotc kekariw mia ka wi kiskinohamasotcik;
  • Kitci kiskeritamotariwewaniwok nehirowisi pimatisiwin neta peitak Kitci kiskonihamatowikamikok;

Aniki Centre des Premières Nations Nikanite witcihiwewok kaie kiskinohamakana kitci kackihoritci e kiskinohamasoritci acitc naskamowok aniheriw kotc ka wi ici nta kiskeritak anaha kiskinohamakan nictam otenak e nta taciketc.

Kitciwe ka wi otamirotatak

Aniki arotakanak neta ka atoskectaketcik Centre des Premières Nations Nikanite ohweriw acteriw kitciwe ke itotisketcik :

  • Kitci orisinahak masinahikan ke ici kiskinohamakaniwok;
  • Kitci witcihiwetc e natowi aitotcikatek e kiskinohamasonaniwok;
  • Kitci nantonakik acitc kitci ocitatcik otamirowiniw kitci tca tipatatakik ke ici otamirotatcik;
  • Kitci werihatcik kiskinohamakana acitc ke ici nta kokwetcitari e otamiroritci;
  • Kitci nosanehwatcik mekwatc e kiskinohamasoritci nehirowisiwa ite mia ka ici kiskinohamasoritci nte kotc ka ici nakickamiritci arimipariwiniw.

Esko ki tcimotakaniwok nihe Centre des Premières Nations Nikanite mictahi nokotaw kicteritcikewiniw nehirowisiwinik.  Mocak kaie witci otamiromimew. Tariw papeikw nehirowisi otenak ka tacikeritci e witci otamiromatc kitci miro otamirotatcik ka ki orisinahakik.

Le Conseil pédagogique

Deux fois par année, le Centre des Premières Nations Nikanite (CPNN) réunit les membres de son conseil pédagogique, présidé par le directeur du CPNN, auquel siègent des représentants des différentes communautés des Premières Nations desservies par l’UQAC, des professeurs, des étudiants autochtones ainsi que des organismes en éducation comme le Conseil en éducation des Premières Nations, l’Institut Tshakapesh et le Conseil de la nation attikamek. Les membres sont convoqués aux trimestres d’automne et d’hiver dans un but de consultation, d’information et de développement pédagogique. Ce conseil pédagogique illustre bien la nécessité de collaborer étroitement pour améliorer continuellement nos services et répondre aux besoins spécifiques des communautés.

Pour consulter la liste des membres, cliquez ici.

Partagez ...Share on Facebook0Tweet about this on Twitter0Email this to someone